الرئيسيةالبوابةاليوميةمكتبة الصورس .و .جالأعضاءالمجموعاتبحـثالتسجيلدخول

شاطر | 
 

 مذكرات صحفي كتابته في الأدراج 1

اذهب الى الأسفل 
كاتب الموضوعرسالة
الصحفى
نائب الرئيس (الوزير)
نائب الرئيس (الوزير)


ذكر
عدد الرسائل : 4
العمر : 33
البلد : مصر (ام الدنيا)
العمل/الترفيه : صحفى
تاريخ التسجيل : 02/01/2008

مُساهمةموضوع: مذكرات صحفي كتابته في الأدراج 1   الخميس 03 يناير 2008, 2:05 am


شخبطة قلم في ورقة



هو إحنا ليه بطلنا نخاف على بعضينا,هو ليه إحنا ديما كدة منعرفش بعضينا إلا لما مصيبة تحل علينا, خلاص مبقاش حد بيمد أيديه في الشارع للتانى علشان يعديه من الطريق مبقتش أشوف الحاجة دى إلا في مشهد سيما ! دلوقتى لا الكبير بيعطف على الصغير ولا الصغير بيحترم الكبير,البلد سداح مداح مولد وصحبه غايب على رأى عمنا عدويه ’ بندافع ديما عن الحق والحق فينا مش موجود ازاى واحد يدافع عن فكرة وممكن يضحى بحياته علشانها وهو أصلا مش فهمها بس طلبت كدة معاه كله بيخبط في كله من العالي للواطى خلاص تاهت ملامحي بين اللي جه واللي جاى أعيش أنا ازاى وأنا حاسس إني لوحدى والناس اللي حوليا كرهني ده مش اقصدهم يكرهوني لا علشان هم أصلا كارهين نفسهم ظلمو نفسهم كتير لغاية مكرهو نفسهم أدى مثلا أنا هقول لكم اهو علشان تصدقوا التخبيط والتوهان اللي عايشين إحنا فيه المترو مثلا اركبه ممكن تلاقى واحد عجوز عاجز واقف وتلاقى شاب مربى شعره ومقطع هدومه اصله خنفس ياسيدى وقاعد على الكرسي أدام العجوز ولا على باله حاطط الميك في ودانه علشان ميسمعش كلمه من فضلك يا أستاذ دة راجل قد جدك قوم وقعده مطرحك ولو طلعت شوية من المترو في الشارع تلاقى الدنيا زحمة عربيات كتير معديه تايهه بين الناس تجرى ميهمهاش إنها تخبطها كم عيل ولا حتى ست معديه اصل اللي سايقها واحد طلع رخصة بالكوسة والسلطة والطعمية في إيه أدى أختي منقبة بس هي وخداها عياقة حطة الاحمر والاصفر ومبينه عنيها لبسالى بلوزة وجيبة تفضح ولا تستر كل اللي رايح واللي جاى يبصلها وهى من ورا نقابها تضحك على أيه على خبيتها وتقول ياه أنا حلوة للدرجة دى حتى وأنا مداريه انا مش بزم المنقبات بس فى ناس اهو وخدها موضه وجابت الكلام للمحترمات وأدى شاب تانى أتخرج من الجامعة بقاله أيام وسنين كان بيسهر علشان يذاكر ساعة صبحيه إتخرج وبجيد جدا قال خلاص أنا كدة ضمنت الوظيفة واللقمه الهنية إتخرجت ياحلو وياريتك ما إتنيلت على عنيك أهو أنت دلوقتى بتلم الزباله أو بتمسح جزمة زميلك اللي كان معاك في الكلية فاشل وعمره مفتح الكتاب بس علشان الكوسة والفلوس خلته باشا عليا وأدى المثل زاد واحد فمرة وأنا نازل من العربية ندالى واحد وقالي خد بأيدي ياخويا لغاية القهوة اللي في الحارة الجيه قولت له حاضر من عنيا اصلى كان اعمى ياعنيا المهم قصاد القهوة وقالي هي دي وهناك على القهوة وعلى الطربيزة صنية شاي وشباب كتير اتارى الشله هي أصحابه برضو عميان زيه قالهم أنا حسام جيت يا واد أنت وهو قالوله حمد الله على سلامتك يابيه اقلهم أعرفكم بصديقي اللي اخد بأيديا قالوله ومين دة كمان اللي جاى يشمت فينا مش مفتح زى اللي باللي بالك قالهم عيب احترمه شوية دة مفتح وانتم عميان يعنى مش محترمين زى ما الناس بتقول في البلد دي يا أستاذ متخدش على خطرك منهم دول طيبين بس الزمان والبلد خلتهم مش محترمين دول مبدعين ومفكرين بس أنت عارف الناس بتعتبرنا أننا بدون قيمه قولتلهم انتم عاملين أية ويارتنى مقلتها لقيتهم بيشكو همهم واحد قالي أنا أسمى الغندور بس مش متغندر إتخرجت من الجامعة الفلانية وفى أيدي شهادة ميه ميه جيد جدا والأول على دفعتي وأنا كنت المفروض أنى أبقى معيد بس علشان بنت الوزير هي بقت المعيد طيب أروح لمين ولا اجى منين قلت اقعد على القهوة واهو بقالي 6 سنين على الحالة دي وفى يوم وانا قاعد مكانى قالو انى ارهابى أصلى نسيت مرة احلق دقنى طيب بالذمه أنا أعمى شايف ادامى وفى وسط كلامهم سحبت نفسي شوية شوية اصلى أنا كنت زهقان من نفسي وفضلت ماشى وعند الكوبري بتاع الجامعة لقيت شباب كتير وبنات قلت دى مظاهرة ياواد ولا اية قالولى لا إحنا الحبيبة ياعنيا بنشرب حلبسه وساعات سجارة محشية الواد لازق فى البنت كأنهم عرسان فى الاوضة سعت ضهرية المهم قلت فى نفسى البلد خلاص ضاعت وضاع أملها دول اللي قال الرسول صلى الله عليه وسلم عنهم خير جنود الأرض بس رجعت بسرعة وقلت ياواد العيب مش فيهم العيب على بيدافع عن الحق وهو ميعرفش الحق كتير بنسمع مثلا فى الجرايد ادى صحفي بيقول حرية حرية والتاني بينادى بالديمقراطية والأخ اللي أنا بقراء له ديما واللي بيقول مش عارف ايه ولما جيت قلتله عاوزك تساعدني قالي يابنى أنا مش فاضيلك أنا معايا اللي أهم منك ادى صحفي حكومة بيشتم صحفي معارضة والتاني بتاع المعرضة بيشتم بتاع الحكومة والاتنين ولا بيخدموا حد من الناس اللي أنا قلت عليها الشاقيانه دي وأدى كلمه أخيرة هقولها ورزقي على الله "انتم بتقولو دة إرهابي أو حتى مدمن مخدرات أو سفاح بتاع معادى طيب الأول مش تسألوا نفسكم لية الناس دي بقت كدة أنا عارف كلامي قديم بس أنا اللي حاسس بيه قلته واللي شايفه صورته أنا لما اجى بعد شوية واتلم على شله اخونجية أو حتى إرهابية زى ما بيقولو فى الوطنية أو أتلم على شلة فسدانة مخدرات على حريم على مكس أو حتى شوية ملوخية أو أبقى صحفي فاشل بكتب بالعامية أو حتى أرمى نفسى تحت عربية مش تسألوني أنا عملت كدة ليه ولا متعرفون يش إلا لما مصيبة تجينى وياريت تخففو عنى لكن تحطو كل اللوم عليا والبلاء يا ناس ياهوو حرام عليكم اتقوا يوما ترجعون فيه إلا الله معلش والنبي متزعلوش منى أنا بحبكم بس مش عاوز أي حد يبقى احسن منى ومنكم.
ابراهيم قاسم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مذكرات صحفي كتابته في الأدراج 1
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الصحافة الحرة :: صحافة *صحافة-
انتقل الى: