عدد الرسائل : 48 العمر : 39 البلد : Egypt العمل/الترفيه : مهندس معمارى المزاج : الحمد لله تمام تاريخ التسجيل : 11/11/2007
موضوع: اسئلة سياسية من الطراز الرفيع الإثنين 19 نوفمبر 2007, 3:07 am
ما هو الفرق بين الاستفتاء الشعبي و الاستهفاء الشعبي
الاستفتاء هو زي ما بيقولوا كده مظهر من مظاهر الديموقراطيه بيقول فيها الشعب رايه الاستهفاء ... هو اللي بيحصل بعد ما تقول رايك
ما هو الفرق بين دول العالم الاول و الثالث و دول العالم الاخر
دول العالم الاول ... هم دول وصلت المراحل النهائيه من سلم التطور و كل اللي بتعمله دلوقتي انها تحافظ علي موقعها او تحاول تنفرد بالقمه دول العالم الثالث .. هي دول مازلت في المراحل الاولي علي سلم النمو و التطور دول العالم الاخر ... أحنا
ما هو الفرق بين التفويض .و التنفيض
التفويض ... لما الناس تخرج تنتخب نائب يعبر عنهم و يتكلم عن مشاكلهم و يجيبلهم حقوقهم التنفيض ... هو الدور اللي بيقوم بيه النائب ده
ما هو الفرق بين الديكتاتوريه و العصبجيه و الملوخيه
الديكتاتوريه ... هي حكم الفرد المنفرد للشعب او الجماعه بدون السماح لهم بابداء الرأي العصبجيه .... نظام موجود في كتير من الدول العربيه
الملوخيه .. لا دي اكله جت علي بالي
ما المقصود بالتغطيه الاعلاميه ؟
هي ان الاعلام ( يغطي ) علي الخبر عشان الشعب ميحسش بيه
تفتكر ايه العلاقه بين تعويم الجنيه و تغيير ( الاسمر ابو ضحكه جنان ) في اول تعديل ؟
اهو كله ليه علاقه بـ ....الدولار
ايه رايك في الاخراج اللي بنشوفه في مباريات كرة القدم
طبعا لما تشوف اي ماتش اوربي بتحس ان المخرج بيقدم لك قطعه من الفن الجميله ... لكن يظهر مخرجينا ميعرفوش غير العمليه البيلوجيه اللي بتحمل نفس الاسم ... كويس انهم لسه معملوش تليفزيون ينقل الحدث بريحته
ما القصود بعمليه السلام ؟؟
زي عمليه الـلوز بالظبط .. بتنتهي برمي اللوز في الزباله
موضوع: اسئلة سياسية من الطراز الرفيع 
الإثنين 19 نوفمبر 2007, 3:07 am
